Lið vikunnar í enska - De Bruyne og Rashford

Markvörður: Vicente Guaita (Crystal Palace) - Á stóran þátt í því að Crystal Palace nældi í stig gegn Brighton.

Varnarmaður: Luke Shaw (Manchester United) - Spilaði fantavel í sigrinum gegn Leeds, bæði sem miðvörður og bakvörður.

Varnarmaður: Wout Faes (Leicester City) - Átti geggjaða tæklingu, vann boltann og upp úr því skoraði Leicester eitt af mörkunum fjórum gegn Tottenham.

Varnarmaður: Craig Dawson (Wolves) - Tíu Úlfar unnu botnlið Southampton. Dawson er í liðinu aðra umferðina í röð.

Miðjumaður: James Maddison (Leicester City) - Var á skotskónum gegn Tottenham. Maðurinn sem lætur hlutina gerast hjá Leicester.

Miðjumaður: Kevin de Bruyne (Manchester City) - Var látinn á bekkinn gegn Tottenham og Pep Guardiola þurfti að taka afleiðingunum. Hann gerði ekki sömu mistök gegn Aston Villa.

Miðjumaður: Enzo Fernandez (Chelsea) - Sýndi að hann er í heimsklassa en það dugði þó ekki til sigurs gegn West Ham. Af hverju eyddi Chelsea öllum þessum pening en keypti ekki leikmann í heimsklassa í fremstu víglínu?

Miðjumaður: Willian (Fulham) - Skoraði í 2-0 sigri gegn Forest. Brassinn reynslumiklu hefur verið að spila ljómandi vel fyrir Fulham!

Sóknarmaður: Marcus Rashford (Manchester United) - Skoraði með stórgóðum skalla gegn Leeds, eftir fyrirgjöf Luke Shaw.

Sóknarmaður: Ivan Toney (Brentford) - Skoraði í 1-1 jafntefli gegn toppliði Arsenal. Hefði reyndar getað skorað þrennu!

Kelechi Iheanacho (Leicester City) - Skoraði og lagði upp gegn Tottenham.