Lið vikunnar í enska - Stoðsendingaþrenna Trossard

Markvörður: Gavin Bazunu – Southampton, Írinn ungi hefur átt misjafna leiki á sínu fyrsta tímabili í ensku úrvalsdeildinni. En hann var maður leiksins í markalausu jafntefli gegn Manchester United á Old Trafford.

Hægri bakvörður: Pedro Porro – Tottenham, Átti sinn besta leik fyrir Spurs í 3-1 sigri gegn Nottingham Forest. Átti stoðsendingu á Harry Kane.

Miðvörður: Marcos Senesi – Bournemouth, Argentínumaðurinn hefur komið flottur inn í enska boltann og steig vart feilspor þegar Bournemouth vann óvæntan 1-0 sigur gegn Liverpool.

Miðvörður: Michael Keane – Everton, Hefur gengið í gegnum endurnýjun lífdaga eftir komu Sean Dyche. Átti hörkuleik í 1-0 sigri gegn Brentford um helgina.

Vinstri bakvörður: Ben Chilwell – Chelsea, Skoraði gegn Leicester, sínu fyrrum félagi, þegar Chelsea vann þriðja sigur sinn á einni viku.

Miðjumaður: Rodri – Manchester City, Undirstrikaði mikilvægi sitt fyrir City þegar liðið vann baráttusigur gegn Crystal Palace og viðhélt pressunni á Arsenal.

Miðjumaður: Philip Billing – Bournemouth, Skoraði gegn Arsenal fyrir rúmri viku og nú skoraði hann sigurmarkið gegn Liverpool. Daninn er í banastuði.

Hægri vængur: Dango Ouattara – Bournemouth, Lagði upp markið og bjó til vandræði fyrir Liverpool allan leikinn. Þessi spennandi leikmaður kom frá Lorient í januarglugganum.

Vinstri vængur: Leandro Trossard – Arsenal, Framúrskarandi gegn Fulham og átti stoðsendingaþrennu. Lagði upp öll mörkin í 3-0 sigri.

Sóknarmaður: Harry Kane – Tottenham, Skoraði tvívegis í sigrinum gegn Nottingham Forest.

Sóknarmaður: Alexander Isak – Newcastle, Eftir markaþurrð vann Newcastle 2-1 gegn Úlfunum. Alexander isak skoraði í leiknum en þessi 23 ára sænski sóknarmaður hefur verið mikið meiddur á tímabilinu. Hann var hinsvegar frábær í þessum leik.