Annað árið í röð var haldin sérstök vetrarverðlaunahátíð til að krydda hið ótrúlega langa undirbúningstímabil á Íslandi.

Til gamans var haldin sérstök vetrarverðlaunahátíð og þeir bestu á undirbúningstímabilinu heiðraðir.

Tobias Thomsen, sóknarmaður KR, var valinn besti leikmaður undirbúningstímabil og hlaut þess einnig verðlaun sem besti sóknarmaðurinn.

KR-ingar unnu bæði Reykjavíkurmótið og Lengjubikarinn og var Rúnar Kristinsson valinn besti þjálfarinn og Beitir Ólafsson besti markvörðurinn.

Óttar Bjarni Guðmundsson, varnarmaður ÍA, var valinn besti varnarmaðurinn en Hörður Ingi Gunnarsson, samherji hans, veitti honum harða samkeppni í því vali.

Alexander Helgi Sigurðarson, miðjumaður Breiðabliks, var valinn besti miðjumaður undirbúningstímabilsins þó hann hafi aðeins spilað tvo leiki í Lengjubikarnum vegna meiðsla. Blikar unnu Fótbolta.net mótið.

Bjarki Steinn Bjarkason, átján ára unglingalandsliðsmaður sem spilar með ÍA, var valinn besti ungi leikmaður undirbúningstímabilsins en þar er á ferð ákaflega spennandi strákur.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit