Byrjunarlið Blika og Vestra: Þrjár breytingar á báðum liðum

Halldór Árnason, þjálfari Breiðabliks, gerir þrjár breytingar frá sigrinum gegn FH á mánudag. Þeir Andri Rafn, Arnór Gauti og markaskorarinn Benjamin Stokke koma inn í liðið. Kristófer Ingi Kristinsson tekur sér sæti á bekknum en þeir Kristinn Jónsson og Alexander Helgi Sigurðarson eru ekki í hópnum. Ísak Snær Þorvaldsson, Tumi Fannar Gunnarsson og Dagur Örn Fjeldsted koma inn á bekkinn. Eyþór Aron Wöhler, sem orðaður er í burtu frá Blikum, er ekki í hóp.

Davíð Smári Lamude, þjálfari Vestra, gerir sömuleiðis þrjár breytingar frá tapinu gegn Fram á sunnudag. Pétur Bjarnason og fyrirliðinn Elmar Atli Garðarsson taka sér sæti á bekknum. Morten Ohlsen er ekki í hópnum. Inn í liðið koma þeir Elvar, Fatai og Vladimir Tufegdzic. Toby King og Andri Rúnar Bjarnason koma inn á bekkinn.

Uppfært, 13:20: Elmar Atli er í byrjunarliði Vestra. Tarik Ibrahimagic er hins vegar á bekknum.