Ryan Mason, bráðabirgðastjóri Tottenham, segir að félagið sé ekki í samningsviðræðum við Harry Kane þessa dagana.
Kane á aðeins ár eftir af samningi sínum við félagið og eru stórveldi víða um Evrópu áhugasöm um að kaupa enska landsliðsfyrirliðann.
Kane er af mörgum álitinn meðal bestu fótboltamanna sinnar kynslóðar og hefur verið sterklega orðaður við Manchester United að undanförnu. Þar áður var hann orðaður við Manchester City, en félaginu mistókst að krækja í hann og keypti að lokum Erling Haaland.
„Við erum einbeittir að því að klára tímabilið vel. Allar samningsviðræður og annað verður að bíða þar til eftir síðustu umferð úrvalsdeildarinnar. Raunveruleikinn er sá að Harry er ennþá leikmaður Tottenham og við vonum að hann geti afrekað fleiri frábæra hluti með þessu félagi," segir Mason.
Man Utd og Tottenham gerðu 2-2 jafntefli í apríl og sungu stuðningsmenn Rauðu djöflanna um að þeir myndu hitta Harry Kane aftur í sumar.
Tottenham er í sjötta sæti úrvalsdeildarinnar, sex stigum eftir Man Utd sem situr í fjórða sæti og á einn leik til góða.
Kane er næst markahæsti leikmaður í sögu ensku úrvalsdeildarinnar þrátt fyrir að hafa aldrei unnið keppnina.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 35 | 25 | 7 | 3 | 81 | 35 | +46 | 82 |
| 2 | Arsenal | 35 | 18 | 13 | 4 | 64 | 31 | +33 | 67 |
| 3 | Newcastle | 36 | 20 | 6 | 10 | 68 | 45 | +23 | 66 |
| 4 | Man City | 36 | 19 | 8 | 9 | 67 | 43 | +24 | 65 |
| 5 | Chelsea | 36 | 18 | 9 | 9 | 62 | 43 | +19 | 63 |
| 6 | Aston Villa | 36 | 18 | 9 | 9 | 56 | 49 | +7 | 63 |
| 7 | Nott. Forest | 35 | 18 | 7 | 10 | 54 | 42 | +12 | 61 |
| 8 | Brentford | 36 | 16 | 7 | 13 | 63 | 53 | +10 | 55 |
| 9 | Brighton | 36 | 14 | 13 | 9 | 59 | 56 | +3 | 55 |
| 10 | Bournemouth | 36 | 14 | 11 | 11 | 55 | 43 | +12 | 53 |
| 11 | Fulham | 36 | 14 | 9 | 13 | 51 | 50 | +1 | 51 |
| 12 | Crystal Palace | 35 | 11 | 13 | 11 | 44 | 48 | -4 | 46 |
| 13 | Everton | 36 | 9 | 15 | 12 | 39 | 44 | -5 | 42 |
| 14 | Wolves | 36 | 12 | 5 | 19 | 51 | 64 | -13 | 41 |
| 15 | Man Utd | 35 | 10 | 9 | 16 | 42 | 51 | -9 | 39 |
| 16 | Tottenham | 35 | 11 | 5 | 19 | 63 | 57 | +6 | 38 |
| 17 | West Ham | 35 | 9 | 10 | 16 | 40 | 59 | -19 | 37 |
| 18 | Ipswich Town | 36 | 4 | 10 | 22 | 35 | 77 | -42 | 22 |
| 19 | Leicester | 35 | 5 | 6 | 24 | 29 | 76 | -47 | 21 |
| 20 | Southampton | 36 | 2 | 6 | 28 | 25 | 82 | -57 | 12 |
