Stóri Sam Allardyce stjóri Leeds United var stoltur af sínu liði að ná í stig gegn Newcastle í dag. Liðið komst yfir og gat komist í tveggja marka forystu en Patrick Bamford klikkaði á vítaspyrnu.
Newcastle refsaði fyrir það og Callum Wilson kom liðinu yfir með mörkum úr tveimur vítaspyrnum.
Stóri Sam var ánægður að næla í stig en liðið er einu stigi frá öruggu sæti en Everton á leik til góða. Hann var þó ósáttur að liðið skyldi fá á sig tvær vítaspyrnur.
„Við verðum að hætta að gefa víti, við gáfum eina í síðustu viku. Ég hef talað um að standa í lappirnar í vikunni, ég kann ekki við það þegar leikmennirnir hunsa mig svo þeir verða skammaðir í næstu viku, trúðu mér. Ef við hefðum staðið í lappirnar hefðum við unnið þennan leik," sagði Allardyce.
Leeds á tvo leiki eftir í deildinni en það er gegn West Ham á útivelli og Tottenham heima.
