Barcelona er svo gott sem búið að vinna spænsku deildina og er það að stórum hluta varnarleik liðsins að þakka.
Marc-Andre ter Stegen hefur verið frábær á milli stanga liðsins en hann er aðeins búinn að fá ellefu mörk á sig í 33 leikjum á deildartímabilinu. Hann hefur því aðeins fengið mark á sig í þriðja hverjum deildarleik að meðaltali.
Þetta er magnað afrek í ljósi þess að næsti maður á lista er Jan Oblak með 20 mörk fengin á sig í 28 deildarleikjum.
Þar á eftir kemur Alex Meret, sem er búinn að fá 23 mörk á sig í 32 leikjum með Napoli, og honum fylgja menn á borð við Ivan Provedel hjá Lazio og Brice Samba hjá Rennes.
Athugasemdir
