Abdel-Farid Zato-Arouna, betur þekktur sem Farid Zato, fótbrotnaði í vetur og hefur verið að æfa með Kára á Akranesi undanfarna mánuði.
Farid byrjaði ekki að spila fyrir Kára fyrr en um miðjan júní og hefur verið algjör lykilmaður í liðinu síðan þá. Kári hefur sigrað fjóra leiki í röð með Farid í byrjunarliðinu og er miðjumaðurinn öflugi búinn að gera tvö mörk.
Farid byrjaði ekki að spila fyrir Kára fyrr en um miðjan júní og hefur verið algjör lykilmaður í liðinu síðan þá. Kári hefur sigrað fjóra leiki í röð með Farid í byrjunarliðinu og er miðjumaðurinn öflugi búinn að gera tvö mörk.
Farid er 23 ára gamall og á þrjá landsleiki að baki með A-landsliði Tógó. Farid er gæðamikill leikmaður eins og áhorfendur íslenska boltans vita, sérstaklega eftir síðasta sumar þar sem hann vann Borgunarbikarinn með KR.
Landslið Tógó hafði samband við Farid í byrjun júní en hann þurfti að hafna kallinu vegna þess að hann var ekki alveg klár í slaginn, sem hann er þó núna.
„Ég er 100% klár í slaginn og finn ekkert fyrir meiðslunum. Ég er búinn að spila fjóra leiki fyrir Kára og mér líður mjög vel," sagði Farid í samtali við Fótbolta.net.
„Ég var að taka auka æfingar með Sigga Jóns og það átti stóran þátt í að hjálpa mér að ná fullum bata og gera mig tilbúinn til að spila aftur á hærra stigi."
Nokkur félög eru í viðræðum við Farid sem segist hlusta á öll tilboð. Farid er ekki samningsbundinn Kára og því frjáls ferða sinna er félagsskiptaglugginn opnar á miðvikudaginn.
Athugasemdir
