Fyrir utan Stade de France.
Í yfirlýsingu frá Liverpool kallar félagið eftir því að UEFA fari algjörlega eftir ráðleggingum sem koma fram í sjálfstæðri úttekt á því hvað fór úrskeiðis í framkvæmd úrslitaleiks Meistaradeildarinnar á síðasta ári.
Liverpool vill sjá UEFA bregðast við á gagnsæjan hátt.
Liverpool vill sjá UEFA bregðast við á gagnsæjan hátt.
Mikill troðningur skapaðist fyrir utan Stade de France leikvanginn í París fyrir úrslitaleik Liverpool gegn Real Madrid í fyrra. Fjöldi miðalausra einstaklinga reyndu að komast inn og lögreglan beitti táragasi. Tafir urðu á því að leikurinn færi af stað.
Í umræddri úttekt kemur fram að UEFA beri að mestu leyti ábyrgð á þeirri ringulreið sem skapaðist. Liverpool segir að sambandið verði að sjá til þess að svona aðstæður endurtaki sig ekki.
„Við hvetjum UEFA til að framfylgja að fullnustu þeim tilmælum sem nefndin hefur lýst - sama hversu erfitt það er - til að tryggja að öryggi stuðningsmanna sé í forgangi í öllum fótboltaleikjum UEFA," segir í yfirlýsingu Liverpool.
Í umræddri úttekt er því einnig beint til franskra stjórnvalda að endurskoða þurfi hlutina gaumgæfilega áður en HM í rúgbí 2023 og Ólympíuleikarnir 2024 verða haldnir í landinu.
Athugasemdir
