Real Madrid átti algjöra draumaviku sem hófst á 3-1 sigri gegn Liverpool á þriðjudag í síðustu viku. Það var fyrri leikur liðanna í 8-liða úrslitum Meistaradeildarinnar.

Á laugardag vann liðið svo 2-1 heimasigur á Barcelona í El Clasico.

Í kvöld náði liðið svo að halda markinu hreinu og gerði markalaust jafntefli gegn Liverpool í seinni leik liðanna.

Real mætir Chelsea í undanúrslitum Meistaradeildarinnar og er einungis stigi frá Atletico Madrid í spænsku La Liga.

Zinidine Zidane, aðalþjálfari Real, hefur þrisvar sinnum komist í undanúrslit Meistaradeildarinnar sem stjóri Real og hefur í öll skiptin unnið til sigurs í keppninni.

Real er ríkjandi Spánarmeistari og gæti vel varið titilinn miðað við lélegt gengi toppliðs Atletico að undanförnu.

„Við áttum þrjá mjög mikilvæga leiki sem spilaðir voru á einni viku og við erum hæstánægðir með hvernig þeir fóru. Að vera á þessum stað á þessum tímapunkti er ekki auðvelt," sagði Zidane eftir leikinn í kvöld.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit