Ægir 0 - 1 Leiknir R (12:00)
Þetta verður frekar viðburðalítill leikur þar sem Omar Sowe fær eitt gefins mark í fyrri hálfleik og Leiknir tekur stigin heim.

Þróttur R 1 - 4 Afturelding (14:00)
Þetta verður frekar létt fyrir Magga og félaga, Sam Hewson skorar úr víti snemma í leiknum en Ásgeir Marteins jafnar stuttu seinna og svo byrjar Hjörvar Sigurgeirs sýningin. Elmar og Arnór Gauti skora báðir eftir stoðsendingu frá Hjössa og síðan klárar Hjössi þetta með marki í lok leiks. Hjössi fagnar vel og röltir síðan yfir á laugardalsvöll og horfir á KA vinna Víkinga og lyfta upp dollu.

Þór 3 - 3 Grindavík (14:00)
Þetta verður leikur umferðarinnar og byrjar með látum þegar Faddi ostur AKA Fannar Daði skorar, fagnaðarlætin endast ekki lengi því Guðjón Pétur jafnar 1-1 í hálfleik. Í seinni hálfleik skorar Freyr Jóns óvænt 2 mörk og kemur Grindavík í 1-3 en Þórsarar hætta ekki Fannar setur sitt annað mark og serbinn Nikola jafnar metin úr aukaspyrnu. Þórsarar fá séns á að taka öll 3 stigin þegar þeir fá víti á 90 min en vítabaninn Aron Dagur ver það að sjálfsögðu.

ÍA 3 - 1 Grótta (14:00)
Þetta verður þægilegur sigur hjá ÍA og þeir tryggja sig þar með beint upp í Bestu deildina á næsta ári. Viktor Jóns með 3 og Gunnar Jónas skorar mark Gróttu.

Selfoss 1 - 0 Vestri (14:00)
Vestra menn hvíla lykilleikmenn fyrir umspilið og Selfoss nær að halda sér upp í deildinni. Gary Martin með markið.

Fjölnir 2 - 1 Njarðvík (14:00)
Njarðvíkingarnir þurfa sigur en ná því miður ekki í hörku leik og falla. Axel Freyr setur tvennu og Oumar Diouck skorar fyrir Njarðvík.