Dagur Dan Þórhallsson lék allan leikinn þegar Orlando City vann öruggan sigur á New England Revolution í MLS deildinni í Bandaríkjunum í nótt.
Orlando var með 2-0 forystu í hálfleik og þeir bættu við þriðja markinu áður en flautað var til leiksloka og þar við sat. Orlando er í 5. sæti Austurdeildar með 40 stig eftir 28 umferðir.
Nökkvi Þeyr Þórisson byrjaði á bekknum þegar St. Louis City tapaði 3-1 gegn Minnesota United. St. Louis komst yfir strax á 4. mínútu en Minnesota tókst að jafna fyrir lok fyrri hálfleiks. Minnesota bætti við tveimur mörkum í seinni hálfleik. Þegar Nökkvi kom inn á 77. mínútu voru úrslitin ráðin.
St. Louis er í 12. og næst neðsta sæti í Vesturdeildinni með 28 stig eftir 29 umferðir.
Lionel Messi skoraði tvennu þegar Inter Miami lagði Philadelphia Union 3-1. Luis Suarez og Jordi Alba lögðu upp mörkin en Suarez innsiglaði sigurinn með marki í uppbótatíma. Inter Miami er með 62 stig á toppi Austurdeildar eftir 28 umferðir.
