„Af okkar hálfu vorum við mjög lélegir í dag og heppnir að fá stig. Við þurfum að stíga upp og gera betur í næsta leik.“ sagði Alex Freyr Elísson, leikmaður Fram, eftir 3-3 jafntefli við FH í dag. Alex skoraði tvö mörk í dag.
Lestu um leikinn: Fram 3 - 3 FH
Fyrri hálfleikurinn var mjög áhugaverður þar sem hann var oft stopp og FH skoruðu tvö mörk í uppbótartímanum.
„Það var mjög þungt að vera yfir 1-0 þegar bara uppbótartíminn er eftir og fara inn í hálfleikinn með 2-1. Kennie lét okkur heyra það og við litum aðeins betur út í seinni. Það er ekki boðlegt að vera 1-0 yfir og fá á okkur tvö mörk á fjagra mínútna kafla, það er ekki hægt. Kannski ástæðan afhverju við erum ekki í topp 6.“
Afhverju tók Alex Freyr vítið fyrir Fram í dag?
„Ég var alltaf vítaskytta upp alla yngri flokkana og var einhverntíman vítaskytta í meistaraflokk. Ég spurði Rúnar hvort það væri ekki tími að ég færi á punktinn eftir að við klúðrum víti á móti HK. Hann var ekki alveg viss um það. Hann spurði Halla fyrst sem sagðist ekki hafa séð mig klúðra víti þannig ég fékk að fara á punktinn og setti hann að sjálfsögðu.“
Báðir leikir FH og Fram í ár hafa farið 3-3 er einhver ástæða fyrir því?
„Það er skrítið að þessir leikir fari báðir 3-3 og við alltaf að koma til baka. Veit ekki hver ástæðan er. Góð spurning.“
Nánar er rætt við Alex Frey í spilaranum hér að ofan.
