Það er einn íslenskur leikmaður á listanum en það er varnarjaxlinn Glódís Perla Viggósdóttir.

Hún er í sjöunda sæti listans.

„Langbesti miðvörðurinn á þessu tímabili, er alltaf á réttum stað og það nánast engin fram hjá henni," segir meðal annars í umsögn um Glódísi.

Glódís er 25 ára gömul og hefur leikið 87 A-landsleiki fyrir Ísland. Hún hefur leikið með Rosengård frá 2017 en liðið hafnaði á þessari leiktíð í öðru sæti á eftir Gautaborg.

Á toppi listans er hin norska Therese Sessy Åsland sem spilar undir stjórn Elísabetar Gunnarsdóttur hjá Kristianstad.