Sænsku úrvalsdeildinni lauk í dag. Í kjölfarið á því valdi Twitter-reikingurinn Damallsv Nyheter, sem fjallar um kvennaboltann í Svíþjóð, 50 bestu leikmenn tímabilsins.
Það er einn íslenskur leikmaður á listanum en það er varnarjaxlinn Glódís Perla Viggósdóttir.
Hún er í sjöunda sæti listans.
„Langbesti miðvörðurinn á þessu tímabili, er alltaf á réttum stað og það nánast engin fram hjá henni," segir meðal annars í umsögn um Glódísi.
Glódís er 25 ára gömul og hefur leikið 87 A-landsleiki fyrir Ísland. Hún hefur leikið með Rosengård frá 2017 en liðið hafnaði á þessari leiktíð í öðru sæti á eftir Gautaborg.
Á toppi listans er hin norska Therese Sessy Åsland sem spilar undir stjórn Elísabetar Gunnarsdóttur hjá Kristianstad.
7. Glodis Perla Viggosdottir 🇮🇸
— Damallsv Nyheter (@damallsvfotboll) November 15, 2020
FC Rosengård
Är i särklass seriens bästa mittback, står alltid rätt i position och släpar sällan någon förbi sig. Hänsynslös mot sig själv i huvudspelet och trycker gärna till motståndare lite extra för att visa vem som bestämmer. Häftig spelartyp pic.twitter.com/sROobgV7hc
Athugasemdir