Ronaldo fór nýverið í viðtal hjá Piers Morgan, sem er umdeildur fjölmiðlamaður, þar sem hann talaði illa um Man Utd, Erik ten Hag og goðsagnir á borð við Wayne Rooney. Bútar úr viðtalinu fóru að birtast stuttu eftir dramatískan sigur United á Fulham í ensku úrvalsdeildinni.

Ronaldo, sem er 37 ára, er ósáttur við það hvernig hefur verið komið fram við sig hjá United en hann hefur mikið þurft að sitja á bekknum á tímabilinu. Í viðtalinu segist hann ekki bera neina virðingu fyrir Ten Hag.

Ten Hag er búinn að funda með eigendum og stjórnarmönnum Man Utd. Hann vill losna við portúgölsku ofurstjörnuna.

Ronaldo er með samning út leiktíðina og er að fá um 500 þúsund pund í vikulaun.