Það er rannsóknarefni hvernig Atalanta tókst ekki að vinna Empoli á heimavelli sínum en liðið fékk hátt í 50 marktilraunir þar af 18 sem fóru á rammann.

Ítalska liðið sló met á leiktíðinni í marktækifærum og því enn neyðarlega að nýta ekki að minnsta kosti eitt færi.

„Við erum auðvitað mjög niðurbrotnir yfir sjálfum úrslitunum en við vorum einnig mjög óheppnir," sagði Gasperini.

„Eftir fyrstu tíu mínútur leiksins þá áttum við nokkur dauðafæri og svona getur gerst í fótboltanum ef maður klárar ekki færin en þetta minnti mig nú gríðarlega mikið á leikinn gegn FCK," sagði hann í lokin en þar minnist hann leiksins gegn danska liðsins FC Kaupmannahöfn í Evrópudeildinni.