Davíð Þór Viðarsson aðstoðarþjálfari FH var ósáttur við jafnteflið á móti Stjörnunni í kvöld.

„Við ætluðum að ná í þrjú stig hér í kvöld en við erum í vandræðum og það þýðir ekkert að fara í einhverjar grafgötur með það að við erum ekki að ná okkur á strik og ég veit ekki alveg hvað ég á að segja. Ég er bara svekktur."

Lestu um leikinn: FH 1 -  1 Stjarnan

„Það er ekkert lið hugsa ég sem leggur upp með það að ná ekki sigri í fjórum leikjum í röð. En við erum í brekku en það er ekkert annað að gera en að halda áfram og reyna að átta sig á því hvað er ekki að virka og hvað við þurfum að gera til að komast á beinu brautina.

Við þurfum að halda áfram að leggja á okkur og þá er ég viss um að með öll þessi gæði sem við erum með að þá komumst við út úr þessu en það krefst þess að við leggjum ennþá harðar að okkur en við erum að gera í dag."

Er óeðlilegt að það heyrast vangaveltur þess efnis að það þurfi að koma til breytingar í þjálfarateyminu?

,Nei, nei það er ekkert óeðlilegt. Ég meina FH er félag sem er búið að vera mjög sigursælt undanfarna áratugi og mikill metnaður hérna og við erum með frábært lið en nei nei það er ekkert óeðlilegt en ég get ekkert verið að pæla of mikið í því."

Tweet

Senda a Facebook Hafdu samband Senda frétt Prenta frétt Frétta leit