Haukur Páll Sigurðsson, fyrirliði Vals, var maður leiksins þegar að hans menn voru grátlega nálægt því að komast áfram í forkeppni Evrópudeildarinnar gegn Sheriff Tiraspol í kvöld.
„Ég er bara svekktur. Mér fannst við eiga skilið að fara áfram úr þessu einvígi í dag. Mér fannst við spila mjög vel í þessum leik gegn góðu liði sem að hefur farið í riðlakeppnina áður en það hefði alveg verið sanngjarnt ef að við hefðum unnið þennan leik 3-1." sagði Haukur Páll eftir leik.
„Ég er bara svekktur. Mér fannst við eiga skilið að fara áfram úr þessu einvígi í dag. Mér fannst við spila mjög vel í þessum leik gegn góðu liði sem að hefur farið í riðlakeppnina áður en það hefði alveg verið sanngjarnt ef að við hefðum unnið þennan leik 3-1." sagði Haukur Páll eftir leik.
Lestu um leikinn: Valur 2 - 1 Sheriff
Haukur Páll vildi fá víti í seinni hálfleik í stöðunni 1-1 en Fritz dómari leiksins dæmdi ekkert. Þá hafa einnig verið vangaveltur um það hvort að boltinn hafi verið inni undir lok leiks.
„Ég var að taka boltann niður á bringuna og mér fannst hann bara keyra aftan í bakið á mér og fannst það bara pjúra víti." sagði Haukur Páll aðspurður um atvikið.
„Dómarinn dæmdi leikinn heilt yfir vel fyrir utan þetta atvik. Svo fannst mér í mómentinu eins og að boltinn væri inni hér undir lokin en ég þarf kannski bara að sjá þetta aftur." sagði Haukur Páll að lokum.
Athugasemdir