Rauða Stjarnan hefur ekki byrjað neitt sérstaklega vel undir stjórn Milosar. Liðið vann fyrsta leikinn undir hans stjórn, gegn Javor daginn eftir að Milos var ráðinn.

Í kjölfarið gerði liðið jafntefli við erkifjendurna í Partizan og svo óvænt jafntefli við TSC Backa Topola. Næst mætti liðið Mónakó í riðlakeppninni í Evrópudeildinni og tapaðist sá leikur á heimavelli.

Liðið harkaði út sigur gegn Novi Pavar í síðasta deildarleik en tapaði svo í gær gegn Trabzonspor í Evrópudeildinni.

Fjölmiðlamaðurinn Sam Street tjáði sig undir færslu þar sem vakin var athygli á erfiðri byrjun Rauðu Stjörnunnar í Evrópudeildinni. Þrátt fyrir slæma byrjun í Evrópudeildinni er Rauða Stjarnan á toppnum í serbnesku deildinni.

„Væri ekki á móti því að stjórinn væri rekinn núna. Ef þú getur eyðilagt sóknarleikinn á þremur vikum þá er erfitt að sjá hlutina batna. Lokatölurnar lugu, leikurinn var nær því að vera 4-0 (fyrir Trabzonspor) leikur en 2-1."

Tweet

Senda a Facebook Hafdu samband Senda frétt Prenta frétt Frétta leit