Manchester United heimsækir Crystal Palace í ensku úrvalsdeildinni annað kvöld, miðvikudag. Anthony Martial fór af velli í hálfleik í sigrinum gegn Manchester City síðasta laugardag og er tæpur fyrir leikinn.
Erik ten Hag stjóri Manchester United segir að Martial hafi sárbeðið sig um að byrja leikinn en hann hafi verið svo tekinn af velli til að taka ekki áhættu varðandi meiðsli.
Martial hefur misst af þrettán leikvikum á tímabilinu vegna meiðsla og hefur verið tekinn af velli í átta síðustu byrjunarliðsleikjum.
„Hann sárbað um að byrja leikinn og við ákváðum að láta hann byrja. Ég vissi að það skipti miklu máli að byrja leikinn vel og hann er góður í að pressa og er stór þáttur í okkar pressu," segir Ten Hag.
„En ég þurfti að endurskoða hlutina í hálfleik. Hann var ekki klár í að gefa 100% og þá vildi ég líka forðast það að missa hann aftur í meiðsli. Við tókum hann af velli en það hafði neikvæð áhrif á spilamennskuna eftir hálfleikinn."
Verður Weghorst í byrjunarliðinu?
Hollenski sóknarmaðurinn Wout Weghorst fékk ekki keppnisleyfi í tæka tíð fyrir leikinn gegn City en verður að minnsta kosti á bekknum á Selhurst Park.
Weghorst er á láni frá Burnley en hann skoraði átta mörk í sextán leikjum fyrir Besiktas fyrr á tímabilinu. Ten Hag var spurður að því hvort Weghorst myndi byrja leikinn á morgun?
„Ég þarf að íhuga það. Það þarf að taka réttar ákvarðanir og vera með skýr markmið fyrir Palace. Ég veit mikið um Palace en er ekki búinn að setja leikáætlun okkar algjörlega saman," segir Ten Hag.
Diogo Dalot er enn að glíma við vöðvameiðsli og gæti misst af sínum öðrum leik í röð. Þá er Donny van de Beek frá vegna hnémeiðsla út tímabilið.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Man City | 33 | 21 | 7 | 5 | 66 | 29 | +37 | 70 |
| 2 | Arsenal | 33 | 21 | 7 | 5 | 63 | 26 | +37 | 70 |
| 3 | Man Utd | 33 | 16 | 10 | 7 | 58 | 45 | +13 | 58 |
| 4 | Aston Villa | 33 | 17 | 7 | 9 | 47 | 41 | +6 | 58 |
| 5 | Liverpool | 33 | 16 | 7 | 10 | 54 | 43 | +11 | 55 |
| 6 | Brighton | 34 | 13 | 11 | 10 | 48 | 39 | +9 | 50 |
| 7 | Bournemouth | 34 | 11 | 16 | 7 | 52 | 52 | 0 | 49 |
| 8 | Chelsea | 34 | 13 | 9 | 12 | 53 | 45 | +8 | 48 |
| 9 | Brentford | 33 | 13 | 9 | 11 | 48 | 44 | +4 | 48 |
| 10 | Everton | 33 | 13 | 8 | 12 | 40 | 39 | +1 | 47 |
| 11 | Sunderland | 33 | 12 | 10 | 11 | 36 | 40 | -4 | 46 |
| 12 | Fulham | 33 | 13 | 6 | 14 | 43 | 46 | -3 | 45 |
| 13 | Crystal Palace | 32 | 11 | 10 | 11 | 35 | 36 | -1 | 43 |
| 14 | Newcastle | 33 | 12 | 6 | 15 | 46 | 49 | -3 | 42 |
| 15 | Leeds | 34 | 9 | 13 | 12 | 44 | 51 | -7 | 40 |
| 16 | Nott. Forest | 33 | 9 | 9 | 15 | 36 | 45 | -9 | 36 |
| 17 | West Ham | 33 | 8 | 9 | 16 | 40 | 57 | -17 | 33 |
| 18 | Tottenham | 33 | 7 | 10 | 16 | 42 | 53 | -11 | 31 |
| 19 | Burnley | 34 | 4 | 8 | 22 | 34 | 68 | -34 | 20 |
| 20 | Wolves | 33 | 3 | 8 | 22 | 24 | 61 | -37 | 17 |
