Lið vikunnar í enska - Fimm frá Manchester

David De Gea (Man Utd) - Hafði ekkert rosalega mikið að gera gegn Forest en þarf ekki mikinn viðbragðstíma til að koma liðinu til bjargar. Góð frammistaða og á að taka við fyrirliðabandinu hjá félaginu.

Tyrone Mings (Aston Villa) - Hefur aldrei litið betur út. Sá leikmaður sem hefur grætt hvað mest á því að spila undir Unai Emery og gæti verið kallaður í enska landsliðið á næstunni.

Diogo Dalot (Man Utd) - Frábær bæði varnar- og sóknarlega gegn Forest. Skoraði sitt fyrsta mark fyrir félagið í leiðinni.

John Stones (Man City) - Vaxið mikið sem leikmaður undir Guardiola. Tekur færri snertingar og er öruggari en áður. Skoraði einnig fyrsta mark liðsins gegn Leicester.

Bruno Fernandes (Man Utd) - Magnaður gegn Forest. Einn og ef ekki besti leikmaður vallarins.

Harry Wilson (Fulham) - Skoraði eitt mark og var mikil ógn fram á við í leik sem Fulham stjórnaði gegn Everton.

Julio Enciso (Brighton) - Njósnarar Brighton eru snillingar að finna hæfileikaríka menn á lágu verði og Enciso er einn þeirra. Paragvæinn skoraði í sigrinum á Chelsea um helgina og lofar góðu fyrir framtíðina.

Eberechi Eze (Crystal Palace) - Næsta Stjarna England? Hann hefur daðrað við það hlutverk í einhvern tíma. Skoraði bæði mörkin í sigrinum á Southampton og lítur vel út.

Erling Braut Haaland (Man City) - Skoraði tvö og jafnaði markmet Mohamed Salah í úrvalsdeildinni. Ekki í fyrsta og sannarlega ekki síðasta sinn sem hann verður í þessu liði.

Dominic Solanke (Bournemouth) - Var nálægt því að vera í liðinu í síðustu viku eftir að hann fór illa með vörn Leicester en fær plássið núna eftir frábæra frammistöðu gegn Tottenham. Skoraði eitt og lagði upp tvö.

Ollie Watkins (Aston Villa) - Er í frábæru formi. Skoraði tvö gegn Newcastle og er með 14 mörk í heildina í deildinni. Einnig lagt upp sex til þessa.