Miðjumaðurinn efnilegi Jude Bellingham hefur verið orðaður við endurkomu í enska boltann þar sem Manchester United og Liverpool hafa áhuga á að festa kaup á honum.
Bellingham, sem verður 19 ára í júní, er lykilmaður í liði Dortmund og ætlar ekki að yfirgefa félagið í sumar líkt og liðsfélagi sinn Erling Braut Haaland.
„Ég verð áfram hjá Borussia Dortmund á næstu leiktíð," sagði Bellingham.
„Ég er einbeittur að því að gera vel fyrir Dortmund og tilbúinn fyrir komandi átök."
Bellingham skoraði þrjú og lagði fimm upp í átta Evrópuleikjum á tímabilinu. Í heildina átti hann 6 mörk og 14 stoðsendingar í 44 leikjum.
Táningurinn, sem var keyptur frá Birmingham sumarið 2020, er samningsbundinn Dortmund til 2025.
Athugasemdir
