Þar segir: „Eins og staðan er í dag er karlalið FH í meistaraflokki í félagaskiptabanni samkvæmt dómi áfrýjunardómstóls."
Valdimar Svavarsson formaður FH staðfesti þetta einnig í stuttu svari við fyrirspurn Fótbolta.net.
FH fékk 30 daga til að greiða 150 þúsund krónur í sekt og gera upp kröfu Morten Beck sem krafði FH um 24 milljónir.
„Þá hefur áfrýjunardómstóll staðfest úrskurð um að knattspyrnulið FH í meistaraflokki karla skuli sæta félagaskiptabanni í eitt félagaskiptatímabil ef ekki er gengið frá uppgjöri í samræmi við niðurstöðu samninga- og félagaskiptanefndar frá 10. ágúst 2022 innan 30 daga frá því að dómurinn er kveðinn upp," segir í frétt á heimasíðu KSÍ sem birt var 15. júní.
FH var til umræðu í útvarpsþættinum Fótbolta.net á laugardag og var fjallað um að Grétar Snær Gunnarsson, leikmaður KR, væri að ganga í raðir FH. Hann getur ekki orðið leikmaður félagsins á meðan meistaraflokkur karla er í félagaskiptabanni. Samningur Grétars við KR rennur út eftir tímabilið og getur hann því samið við FH fyrir næsta tímabil.
*Uppfært 12:52 með viðbrögðum FH.
