Davíð Þór Viðarsson.
Davíð Þór Viðarsson, fyrirliði FH, leggur skóna á hilluna eftir tímabilið en þetta var í umræðu í nýjasta Innkastinu.
Smelltu hér til að hlusta á Innkastið
FH-ingar töpuðu fyrir Víkingi í bikarúrslitaleiknum í laugardag en í Innkastinu var talað um pirringinn hjá Hafnfirðingum eftir leik.
Smelltu hér til að hlusta á Innkastið
FH-ingar töpuðu fyrir Víkingi í bikarúrslitaleiknum í laugardag en í Innkastinu var talað um pirringinn hjá Hafnfirðingum eftir leik.
„Ég skil pirringinn í Davíð betur eftir að hafa heyrt að hann hafi talað um það eftir leikinn við hina ýmsu aðila að þetta yrði hans síðasta tímabil. Það séu þrír leikir eftir af hans ferli," sagði Elvar Geir í Innkastinu.
„Hann hefur þá verið meðvitaður um það þegar hann var að fara að spila þennan bikarúrslitaleik að þetta yrði hans síðasta tímabil."
Davíð staðfesti svo í samtali við 433 að þetta yrði hans síðasta tímabil.
„Ég hefði viljað hætta með titli, þetta var mjög svekkjandi um helgina. Þessi ákvörðun hefur verið í hausnum á mér síðasta árið. Það er fullt af hlutum sem spila inn í þessa ákvörðun mína, þetta eru 20 tímabil í meistaraflokki. Það er kannski bara kominn tími á að setja púður í aðra hluti," segir Davíð.
Davíð er 35 ára og hefur sex sinnum orðið Íslandsmeistari. Hann var valinn í úrvalslið áratugarins af útvarpsþættinum Fótbolti.net snemma á árinu en í viðtali af því tilefni sagðist hann ætla að hætta ef FH yrði Íslandsmeistari þetta tímabilið.
Ekki fara að sofa! Innkastið er mætt. Farið yfir bikarúrslitin, Maxarann, slúðrið, veglegt Inkasso-horn og fleira rosa gott með @G_Birgis @maggimar @tomthordarson
— Elvar Geir Magnússon (@elvargeir) September 16, 2019
Til hamingju KR og Vikes! #fotboltinet https://t.co/BM6u4Z6DqI
Athugasemdir
