Fótbolti.net

Gunnar Már: Við munum ekki geta hvílt leikmenn

Viðar Örn: Ég hlakka mikið til að spila með honum í næstu leikjum.

Óli Flóvents: Þetta mál er að baki

Venni: Þurfum að höndla það betur en síðast

Heimir Guðjóns: Þurfum að finna lausnir

Siggi Lár: Gaman að vera í Laugardalnum

Horfðu á Besta spjallið - Staða mála skoðuð í landsleikjahlénu

Pablo Punyed sáttur: Vona að ég sjálfur geti spilað minna og minna í sumar

Gaui Lýðs um uppganginn á Ásvöllum: Setjum stefnuna á að komast í efstu deild

Nemanja Pjevic: Þegar maður bíður eftir strætó koma þeir allt í einu þrír í einu

Hrafn Guðmunds: Ég þarf að halda þessu áfram

Davíð Smári: Höfum verið með óþægilega líkamstjáningu

Svekktur Nenad: Tek þetta á mig

Magnús Már súr: Það var samt ekki það sem fór með okkur í dag

Gunnari Heiðari fannst ekkert eðlilega gaman að horfa á HK liðið

Glódís: Þetta eru hræðilegar reglur

Stórt fyrir Söndru Maríu - „Hún elskar að vera hérna"

„Var að reka á eftir hlutum sem hún á ekkert að vera að reka á eftir“

Thelma eftir fyrsta landsliðsmarkið: Ég er smá fúl samt

Talar um „ógeðslegan leik" - Þarf betri ramma um nýju reglurnar

fös 17. september 2021 13:02

Sæbjörn Þór Þórbergsson Steinke

Arnór Borg: Innsæið sagði að ég ætti að fara til Víkings

Arnór í viðtali í dag.

Mynd: Fótbolti.net - Elvar Geir Magnússon

Arnór Borg Guðjohnsen og Arnór Guðjohnsen.

Mynd: Fótbolti.net - Hafliði Breiðfjörð

Arnór Borg Guðjohnsen er genginn í raðir Víkings og skrifar undir þriggja ára samning. Hann kemur frá Fylki þar sem hann hefur verið frá því snemma síðasta sumar.

Haldinn var fréttamannafundur í Víkinni í dag og ræddi Fótbolti.net við Arnór um skiptin.

„Ég er mjög ánægður og mjög spenntur. Ég er búinn að hugsa um þetta í langan tíma, það hefur verið áhugi frá öðrum liðum og á endanum fannst mér þetta vera besta leiðin fyrir mig til að taka næsta skref," sagði Arnór.

Arnór segist stefna aftur út í atvinnumennsku en hann var á mála hjá Swansea áður en hann gekk í raðir Fylkis.

Arnór fór í aðgerð vegna nára kviðslits fyrir þremur dögum og er að ná sér eftir hana. Endurhæfingin á að taka á bilinu 4-6 vikur. Meiðslin hefur hann glímt við síðan snemma á þessu ári.

„Það er klárlega léttir að fá svör við því hvað hefur verið að hrjá mig. Ég er búinn að hitta mikið af læknum og sjúkraþjálfum. Það er geggjað að það sé búið að laga þetta."

Eru einhverjir einstaklingar sem hjálpa þér að taka þessa ákvörðun, kannski pabbi þinn?

„Já, klárlega. Ég, pabbi og bróðir minn fórum yfir þetta. Á endanum tók ég ákvörðunina sjálfur."

Arnór var orðaður við FH og Breiðablik í sumar. Fóru þær viðræður langt?

„Já, ég var búinn að fá að tala við bæði félög, þetta eru allt flottir klúbbar og flottir þjálfarar. Þetta var ekki auðvelt val en innsæið sagði að ég ætti að fara til Víkings og ég treysti því."

Viðtalið í heild má sjá í spilaranum hér að ofan.