Fótbolti.net

Fór aðra leið en félagarnir - Tilbúinn í hörkuna á Skaganum

Þorri Mar: Það birtir alltaf til og núna skín Stjarnan

Steini: Sýndi að þær voru hræddar við að við myndum nálgast markið

Karólína eftir naumt tap: Þær voru orðnar drullu pirraðar

Ingibjörg: Héldum áfram að reyna og ég er stolt af því

„Henda sér niður við allt og væla yfir öllu“

Sölvi: Víkingstreyjan fer honum einstaklega vel

Kári: Hann vildi meina að nú væri kominn tími á að reyna þetta aftur

Gylfi um síðustu daga og skiptin umtöluðu - „Kári gefst greinilega ekki upp"

Cecilía: Frakkar hafa góða einstaklinga en ekki eins gott lið og Ísland

Hlín: Hellings pláss á móti þeim og okkar að nýta það

Steini: Þær fara mikið í 1 á 1 og reyna að plata

Emilía Kiær: Heimsklassa lið með heimsklassa leikmönnum

Katla Tryggva: Held ég sé með ágætis tök á dómurunum

Karólína Lea: Kom mér á óvart hvað hún er tæknilega góð

Glódís: Við erum ekki sáttar að fara héðan með eitt stig

Steini: Stundum vantaði aðeins meiri ró á boltanum

Dagný þakklát fyrir traustið: Eigum að geta gert aðeins betur

Sveindís Jane: Ég hefði átt að skjóta betur

Glódís: Hún er ein besta sexa í heimi

fim 17. nóvember 2022 15:30

Sæbjörn Þór Þórbergsson Steinke

Birgir Baldvins: Erfitt að segja nei við einn stærsta klúbb á Íslandi

,,Held að Haddi geti tekið mig á næsta level''

Mynd: Fótbolti.net - Hafliði Breiðfjörð

Í leik með Leikni í sumar.

Mynd: Haukur Gunnarsson

„Ég fékk símtal frá Hadda, þjálfara KA, og hann sannfærði mig um að koma í KA. Ég held að þetta sé besta næsta skref á ferlinum fyrir mig," sagði Birgir Baldvinsson sem skrifaði undir þriggja ára samning við KA í síðustu viku.

Birgir er uppalinn í KA en hefur undanfarin ár verið á láni hjá Leikni Reykjavík og einnig hjá Aftureldingu. Hann er 21 árs vinstri bakvörður sem var í stóru hlutverki hjá Leikni á tímabilinu.

„Þetta var erfið ákvörðun, ég var með áhuga frá nokkrum öðrum liðum sem var rosalega spennandi. Maður hefur ekki verið í þessari stöðu áður. Ég enda á að koma aftur heim, sem er ákvörðun sem ég er mjög ánægður með."

Nokkur félög höfðu áhuga á Birgi, hann var sterklega orðaður við Val og Stjarnan hafði einnig áhuga. Ef hann hefði valið Val hefði hann haldið áfram að vinna með Sigurði Höskuldssyni sem er tekinn við sem aðstoðarþjálfari liðsins. Var erfitt að segja nei við Val?

„Já, það var svolítið erfitt. Sérstaklega sem leikmaður sem kemur úr liði eins og Leikni, að fá tækifæri til að fara í einn stærsta klúbb á Íslandi - ef ekki þann stærsta. Ég þurfti að taka ákvörðun út frá því hvað ég hélt að væri besta næsta skref fyrir mig."

Birgir hafði fyrr í vetur rift samningi sínum við KA sem gildi út næsta tímabil. Af hverju var sú ákvörðun tekin?

„Það var ákvörðun sem mitt teymi tók, með mér líka. Við hugsuðum að það gæti verið svolítið áhugavert að sjá hvað myndi gerast, hvort ég myndi fá spennandi áhuga frá liðum fyrir sunnan. Vorum ekkert viss um að eitthvað myndi gerast. Þá var ekkert ákveðið að ég yrði áfram í KA."

„Eftir að ég var búinn að fá öll símtölin og allt það talaði Haddi mig svolítið til. Hann hringdi og sannfærði mig."

Hvað var það sem Haddi sagði? „Ég þekki Hadda rosalega vel, búinn að æfa með honum sem leikmanni og svo mætti ég á aukaæfingar þegar hann var með þær fyrir norðan. Ég veit að hann er sérfræðingur í vörn og ég held að hann geti tekið mig á næsta 'level' sem leikmann."

„Það er spennandi að fara spila í Evrópu, og ég veit að strákarnir lögðu á sig heilan helling til að komast þangað. Það verður ennþá meira lagt á sig til að standa sig vel þar."

Birgir ræddi um Leikni, samkeppnina í KA og mögulega atvinnumennsku í viðtalinu sem má sjá í heild sinni í spilaranum að ofan.

Hvað er það sem hann vill afreka í KA?

„Ég væri til í að verða byrjunarliðsmaður og enda í topp fjórum næsta sumar," sagði Birgir.