Pukki: Norwich betur tilbúið í úrvalsdeildina núna

Finnski framherjinn Teemu Pukki segir að lið Norwich sé betur tilbúið fyrir baráttuna í ensku úrvalsdeildinni núna heldur en á síðasta tímabili.

Norwich féll á síðasta tímabili eftir góða byrjun en Pukki vakti mikla athygli þegar hann skoraði ellefu mörk, flest snemma á tímabilinu.

Pukki hefur skorað 22 mörk í Championship deildinni í vetur en Norwich er með tíu stiga forskot á toppnum og stefnir hraðbyri aftur upp.

<i>„Ég myndi segja að við séum tilbúnari núna. Við erum búnir að öðlast meiri reynslu sem lið undanfarið ár og við höfum fengið mjög góða nýja leikmenn,"</I> sagði Pukki.