Kylian Mbappe, framherji Real Madrid og fyrrverandi leikmaður Paris Saint-Germain, hefur sagt að hann sé ekki bitur yfir sigri PSG í Meistaradeildinni
Mbappe gekk til liðs við Real Madrid í júlí 2024 á frjálsri sölu eftir sjö tímabil hjá PSG, þar sem hann setti met sem markahæsti leikmaður félagsins með 256 mörk, en tókst aldrei að vinna Meistaradeildina með liðinu.
Á þessu tímabili tryggði PSG sér sinn fyrsta Meistaradeildartitil með yfirburðasigri 5-0 á Inter í úrslitaleiknum.
„Ég er ekki bitur. Það var komið að leiðarlokum og ég er ánægður þar sem ég er, og ég held að þeir hafi átt þetta skilið. Þeir eru besta lið í Evrópu," segir Mbappe.
Mbappe komst næst Meistaradeildartitlinum með PSG árið 2020 en þá tapaði liðið fyrir Bayern München í úrslitaleik. Eftir að hann gekk til liðs við Real Madrid, endaði Madrid tímabilið án verðlauna í fyrsta sinn í fjögur ár, þar sem þeir féllu úr Meistaradeildinni í 8-liða úrslitum gegn Arsenal. Mbappe hlaut þó einstaklingsverðlaun með 31 marki í La Liga, sem skilaði honum gullskónum sem markahæsti leikmaður í Evrópu.
Athugasemdir
