FHL tapaði 6-0 fyrir Íslandsmeisturum Breiðabliks í dag á Kópavogsvelli og situr sem fastast á botni Bestu-deildarinnar án stiga. Björgvin Karl Gunnarsson, þjálfari FHL ræddi við Fótbolti.net að leik loknum og var að vonum ekki ánægður.
Lestu um leikinn: Breiðablik 6 - 0 FHL
6-0 tap. Hvernig er tilfinningin beint eftir leik?
„Hún er ekkert góð sko. En hinsvegar ætla ég að hrósa Blikaliðinu. Frábærir einstaklingar og frábært lið og við náðum að halda aðeins aftur af þeim í byrjun. Við vorum með ákveðið leikplan sem lofaði góðu en svo þegar við fengum á okkur fyrsta markið þá fórum við að hlaupa úr stöðum og þá er sárt að fá á sig annað markið rétt fyrir hálfleik.“
Hvað finnst Kalla um liðið brotni einfaldlega á 5 mínútna kafla.
„Það er bara grátlegt og á ekki að gerast og við erum með leikmenn sem eru að leggja sig gríðarlega fram og aðra sem mættu fylgja því fordæmi en það vantaði upp á í dag. Sér í lagi þegar við erum búin að tala um hvað við ætlum að gera í hálfleik og síðan förum við út og gerum eitthvað allt annað.“
FHL liðið var einungis með 4 leikmenn á bekk og Kalli talar um að liðið hafi ekki haft kost á að vera með fleiri leikmenn nema taka þá leikmenn á 3. flokks aldri. Er hann að huga að því að styrkja liðið?
„Ég geri klárlega ráð fyrir því.“
Hvar sér Kalli FHL liðið ná í sín fyrstu stig í deildinni?
„Við reynum að fara í hvern einasta leik til að ná í stig og höfum gert það frá upphafi en því miður hefur þetta stundum verið upp og niður hjá okkur. Við höfum náð köflum en við erum ekki að ná að tengja þessa kafla til að klára heilan leik.“
Viðtalið í heild sinni má sjá í spilaranum hér að ofan.
