Breiðablik vann FHL 6-0 á Kópavogsvelli í dag þar sem heimakonur gerðu út um leikinn með frábærum 5 mínútna kafla í byrjun seinni hálfleiks. Fótbolti.net ræddi við Nik Chamberlain, þjálfara Breiðabliks, að leik loknum.
Lestu um leikinn: Breiðablik 6 - 0 FHL
Blikar töpuðu síðasta leik sínum, 2-1 gegn FH, svo það hlýtur að hafa verið gott fyrir Nik að liðið nái sér aftur á strik.
„Já mjög ánægður, sérstaklega með það hvernig við byrjum seinni hálfleikinn. Fyrri hálfleikurinn var orkulítill miðað við það sem við vorum að leitast eftir en við komum út í seinni hálfleikinn og fyrstu 15, 20 mínúturnar þar voru frábærar.“
Það spurðist fljótt út á Kópavogsvelli í seinni hálfleik að Nik hefði gefið leikmönnunum sínum hárblásara í hálfleik. Hvað sagði hann eiginlega við leikmennina?
„Nokkur vel valin orð. Af því við þurfum að standa undir væntingum og í fyrri hálfleik gerðum við það ekki. Ég verð að gefa FHL kredit, þær pirra okkur aðeins en við hefðum samt átt að hreyfa boltann betur.“
Breiðabliksliðið, þrátt fyrir að vera komnar á toppinn aftur, eru í raun að elta Þrótt sem stendur, þar sem Þróttur var með 3 stiga forskot á Breiðablik fyrir leikinn í dag. Hvernig er að vera að elta Þrótt?
„Alveg eins og í fyrra þannig það breytir engu fyrir okkur og við einblínum á okkar leiki. Sama gamla klisjan, einn leikur í einu en eins og ég segi, það var gott að koma aftur hingað, eiga góða frammistöðu, skora nokkur mörk og halda hreinu.“
Viðtalið í heild sinni má sjá í spilaranum hér að ofan.
