„Ég er ótrúlega stolt af vinnuframlagi liðsins, við erum að koma úr smá pásu og það tekur alltaf smá tíma til að komast aftur af stað en ég er mjög stolt af liðinu og úrslitunum“ sagði Caroline Murray eftir 2-0 sigur á Þór/KA í Laugardalnum í dag.
Lestu um leikinn: Þróttur R. 2 - 0 Þór/KA
Það var tilkynnt í þessari viku að Caroline sé á leið heim til Bandaríkjanna þegar glugginn opnast þar sem hún mun spila með Sporting Club Jacksonville í Flórída og þar með yfirgefa Þrótt. Aðspurð hvernig henni líður með skiptin segir hún:
„Ég er búin að eiga frábæra upplifun hérna þannig að það eru blendnar tilfinningar og ég er ótrúlega þakklát fyrir allt sem klúbburinn hefur gert fyrir mig. Liðið er nálægt hjarta mínu svo þetta er tilfinningaríkt fyrir mig.“
Caroline segir að skiptin hafi komið nokkuð óvænt upp og að hún hafi ekki gert ráð fyrir því að fara frá Þrótti á þessum tímapunkti:
Það er greinilegt að Þróttarar munu sakna Caroline en lagið Sweet Caroline var spilað í stúkunni eftir leikinn í tilefni þess að leikurinn var sá síðasti sem Murray mun leika með liðinu í Laugardalnum:
„Ég mun sakna þeirra mikið. Ég ætla að sjá til þess að vera alltaf til staðar fyrir klúbbinn og mér fannst ótrúlega fallegt af þeim að spila sweet Caroline, ég kann mikið að meta það.“
