Þorleifur Úlfarsson skoraði sigurmark Houston Dynamo er liðið vann San Jose Earthquakes, 2-1, í MLS-deildinni í nótt. Þetta var fjórða mark hans í deildinni á tímabilinu.
Íslenski framherjinn átti frábært tímabil með Duke-háskólanum á síðasta ári og var svo í valinn af Houston Dynamo í nýliðavalinu, en sá hefur tekið deildina með stormi.
Hann er nú fastamaður í liði Houston og gerði fjórða mark sitt í áttunda byrjunarliðsleiknum.
Þorleifur gerði sigurmarkið á 76. mínútu. Hann fékk boltann í teignum, lagði hann skemmtilega fyrir sig til vinstri og hamraði honum í hornið, en boltinn hafði örlitla viðkomu af varnarmanni áður en hann fór í netið.
Houston er í 11. sæti Vestur-deildarinnar með 25 stig.
Giorgio Chiellini, sem kom til LAFC frá Juventus á dögunum, þreytti þá frumraun sína með bandaríska liðinu. Hann var í byrjunarliðinu í 2-1 sigri á Nashville, en var skipt af velli eftir klukkutíma. Velski landsliðsmaðurinn Gareth Bale kom þá inná sem varamaður í síðari hálfleik en hann kom á frjálsri sölu frá Real Madrid á dögunum.
Picked their pockets 🤫 pic.twitter.com/UlXXC0dsJu
— Houston Dynamo FC (@HoustonDynamo) July 18, 2022
Athugasemdir
