Danski sóknarmaðurinn Martin Braithwaite mun á næstu dögum ganga í raðir Olympiakos á frjálsri sölu. Fabrizio Romano greinir frá.
Þessi 33 ára gamli leikmaður nýtti riftunarákvæði í samningi sínum við Espanyol á dögunum.
Á síðustu leiktíð var hann markahæsti leikmaður spænsku B-deildarinnar er Espanyol mistókst að komast upp og ákvað hann því að leita annað.
Romano segir að Braithwaite hafi samþykkt samningstilboð gríska stórliðsins Olympiakos og mun hann halda í læknisskoðun í næstu viku.
Braitwaite hefur komið víða við á ferlinum en félagaskipti hans til Barcelona árið 2020 eru líklega ein þau óvæntustu í sögu spænska boltans.
Barcelona virkjaði kaupákvæði í samningi hans hjá Leganes vegna manneklu í fremstu víglínu. Hann spilaði alls 58 leiki og skoraði 10 mörk á þremur tímabilum sínum með Barcelona.
Athugasemdir
