Guðrún mun spila í Meistaradeildinni í vetur
Guðrún Arnardóttir og stöllur hennar í sænska liðinu Rosengård eru komnar áfram í riðlakeppni Meistaradeildar Evrópu eftir að hafa unnið 5-1 sigur á Subotica frá Serbíu í kvöld.
Íslenska landsliðskonan spilaði allan leikinn í hjarta varnarinnar og gerði sér svo lítið fyrir og skoraði fimmta mark liðsins.
Markið gerði hún eftir hornspyrnu á 85. mínútu leiksins, en áræðni hennar í teignum skilaði boltanum í netið.
Sjáðu markið hér
Rosengård flaug inn í riðlakeppnina með sigrinum, en fyrri leiknum lauk með 2-1 sigri sænska liðsins.
Riðlakeppnin hefst í nóvember en dregið verður í riðla á föstudag klukkan 11:00.
Athugasemdir
