Þar er Arsenal með fjögurra stiga forystu á ríkjandi Englandsmeistara Manchester City en framhaldið verður ansi erfitt.
Arsenal þarf að koma vélinni aftur í gang og byrja að hranna upp sigrunum til að eiga möguleika á að halda forystu sinni á gífurlega sterkum andstæðingum í titilbaráttunni.
Sú þraut verður erfiðari en ella vegna meiðsla sóknarmannsins Gabriel Jesus en Englendingurinn ungi Eddie Nketiah er tilbúinn til að fylla í skarðið.
„Nketiah er alltaf tilbúinn. Hann veit að þetta er stórt tækifæri til að sanna sig í toppbaráttunni," sagði Arteta þegar hann var spurður út í framherjamálin og hvort Arsenal hyggðist kaupa nýjan sóknarmann í janúar.
Kantmaðurinn Reiss Nelson meiddist í æfingaleik gegn Juventus í gær og eykur það líkurnar á að Arteta vanti framherja í janúar.
„Við munum sjá til hvað gerist. Við vitum hvernig staðan er og hvað við þurfum að gera. Við erum með skýr markmið."
