Rhys Williams í leik með Swansea.
Liverpool ætlar að kalla Rhys Williams til baka úr láni hjá Swansea en þessi tvítugi varnarmaður hefur lítið fengið að spila og aðeins byrjað fjóra leiki í Championship-deildinni.
„Við höfum komið hreint fram við Liverpool um stöðu Rhys. Ég held að hann sé mjög ánægður hjá okkur og telur sig hafa bætt sig á æfingum. En það eru vonbrigði fyrir hann að fá ekki meiri spiltíma," sagði Russell Martin í síðustu viku um stöðu Williams.
„Við höfum komið hreint fram við Liverpool um stöðu Rhys. Ég held að hann sé mjög ánægður hjá okkur og telur sig hafa bætt sig á æfingum. En það eru vonbrigði fyrir hann að fá ekki meiri spiltíma," sagði Russell Martin í síðustu viku um stöðu Williams.
Jurgen Klopp telur að í ljósi stöðunnar sé best fyrir Williams að koma aftur til Liverpool og vera til taks en leikmaðurinn gerði nýjan langtímasamning áður en hann var lánaður í ágúst.
Williams var skellt í djúpu laugina hjá Liverpool þegar meiðsli herjuðu á leikmannahópinn á síðata tímabili. Hann og Nat Phillips fengu sviðsljósið en hafa farið í minna hlutverk núna.
Goal segir að Phillips gæti verið á útleið núna í janúar til að fá meiri spiltíma. Watford hefur áhuga á þessum 24 ára leikmanni sem einnig hefur verið orðaður við West Ham og Burnley.
Athugasemdir
