Það fóru tveir leikir fram í ítölsku deildinni í kvöld, þar sem Albert Guðmundsson lék allan leikinn í 0-1 tapi Genoa.
Genoa fékk Lazio í heimsókn og voru gestirnir frá höfuðborginni sterkari aðilinn í kvöld. Luis Alberto skoraði eina mark leiksins eftir góðan undirbúning frá Daichi Kamada og tryggði Lazio dýrmæt stig í evrópubaráttunni.
Lazio er í fimmta sæti sem stendur en það gæti reynst flókið fyrir liðið að komast uppfyrir nágranna sína í AS Roma eða spútnik lið Bologna á lokahnykk tímabilsins. Genoa siglir lygnan sjó um miðja deild.
Juventus heimsótti Cagliari í seinni leik kvöldsins og komust heimamenn í tveggja marka forystu með mörkum úr vítaspyrnum í fyrri hálfleik.
Gianluca Gaetano og Yerry Mina stigu á vítapunktinn fyrir Cagliari og leiddu lærisveinar Claudio Ranieri verðskuldað 2-0 í leikhlé.
Dusan Vlahovic kom boltanum í netið á 44. mínútu en ekki dæmt mark vegna rangstöðu og í síðari hálfleik reyndi Juve að skipta um gír en átti í miklum erfiðleikum með að skapa sér færi.
Þau fáu færi sem sköpuðust voru þó nýtt, þar sem Vlahovic skoraði á 61. mínútu áður en Andrea Dossena, miðvörður Cagliari, gerðist sekur um slæm mistök á lokakaflanum. Dossena tapaði fyrst boltanum á eigin vallarhelmingi og kláraði svo sóknina með því að skora sjálfsmark og bjarga þannig stigi fyrir Juve.
Lokatölur urðu 2-2 og er stigið afar dýrmætt fyrir Cagliari, sem er núna fimm stigum frá fallsæti.
Genoa 0 - 1 Lazio
0-1 Luis Alberto ('67 )
Cagliari 2 - 2 Juventus
1-0 Gianluca Gaetano ('30 , víti)
2-0 Yerry Mina ('36 , víti)
2-1 Dusan Vlahovic ('61 )
2-2 Alberto Dossena ('87 , sjálfsmark)
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 29 | 22 | 2 | 5 | 65 | 23 | +42 | 68 |
| 2 | Milan | 29 | 17 | 9 | 3 | 44 | 21 | +23 | 60 |
| 3 | Napoli | 29 | 18 | 5 | 6 | 45 | 30 | +15 | 59 |
| 4 | Como | 29 | 15 | 9 | 5 | 48 | 22 | +26 | 54 |
| 5 | Juventus | 29 | 15 | 8 | 6 | 51 | 28 | +23 | 53 |
| 6 | Roma | 29 | 16 | 3 | 10 | 39 | 23 | +16 | 51 |
| 7 | Atalanta | 29 | 12 | 11 | 6 | 40 | 27 | +13 | 47 |
| 8 | Bologna | 29 | 12 | 6 | 11 | 38 | 34 | +4 | 42 |
| 9 | Lazio | 29 | 10 | 10 | 9 | 29 | 28 | +1 | 40 |
| 10 | Sassuolo | 29 | 11 | 5 | 13 | 35 | 39 | -4 | 38 |
| 11 | Udinese | 29 | 10 | 6 | 13 | 33 | 42 | -9 | 36 |
| 12 | Parma | 29 | 8 | 10 | 11 | 21 | 36 | -15 | 34 |
| 13 | Genoa | 29 | 8 | 9 | 12 | 36 | 40 | -4 | 33 |
| 14 | Torino | 29 | 9 | 6 | 14 | 32 | 50 | -18 | 33 |
| 15 | Cagliari | 29 | 7 | 9 | 13 | 31 | 41 | -10 | 30 |
| 16 | Fiorentina | 29 | 6 | 10 | 13 | 34 | 43 | -9 | 28 |
| 17 | Lecce | 29 | 7 | 6 | 16 | 21 | 39 | -18 | 27 |
| 18 | Cremonese | 29 | 5 | 9 | 15 | 23 | 44 | -21 | 24 |
| 19 | Pisa | 29 | 2 | 12 | 15 | 23 | 49 | -26 | 18 |
| 20 | Verona | 29 | 3 | 9 | 17 | 22 | 51 | -29 | 18 |
Athugasemdir
