Spánn: Markvörður Sevilla jafnaði metin í blálokin

Sevilla er í fjórða sæti deildarinnar sem gefur Meistaradeildarsæti og eftir jafntefli í kvöld er liðið tíu stigum á undan Real Sociedad í fimmta sæti.

Fabian Orellana kom Valladolid yfir úr vítaspyrnu í fyrri hálfleik í dag og leit lengi út fyrir að það mark myndi duga.

Það dró þó til tíðinda á 95. mínútu í uppbótartíma er markvörðurinn Bono jafnaði metin fyrir Sevilla!

Bono fékk leyfi til að taka þátt í síðustu hornspyrnu leiksins og viti menn, hann jafnaði metin til að tryggja stig. Myndband af markinu verður birt síðar í kvöld.

Fyrr í dag áttust við Huesca og Osasuna en þeim leik lauk með markalausu jafntefli. Huesca er enn á botninum með 21 stig, þremur stigum frá öruggu sæti.

Þess má geta að Diego Jóhannesson var ónotaður varamaður hjá Real Oviedo sem gerði markalaust jafntefli við Mallorca í B-deildinni.

Valladolid 1 - 1 Sevilla
1-0 Fabian Orellana ('44 , víti)?
1-1 Bono('95)

Huesca 0 - 0 Osasuna