Það fara aðeins tveir leikir fram í efstu deild á Ítalíu, þar sem Napoli heimsækir Empoli áður en Verona og Udinese eigast við í fallbaráttuslag.

Í spænska boltanum mætast Valencia og Real Betis í evrópuslag áður en spútnik lið Girona tekur á móti fallbaráttuliði Cadiz í lokaleik kvöldsins.

Fyrr um daginn getur Celta Vigo reynt að fjarlægjast fallbaráttuna með sigri á heimavelli gegn Las Palmas, rétt eins og Rayo Vallecano sem fær Osasuna í heimsókn.

Að lokum er komið að þýska boltanum, þar sem titilbaráttan er ráðin en það er enn mikil spenna í evrópubaráttunni og fallbaráttunni.

Wolfsburg og Bochum eigast við í fallbaráttuslag á meðan Köln verður að sigra botnlið Darmstadt til að bæta möguleikana sína í fallbaráttunni.

RB Leipzig vill halda fjórða sæti deildarinnar þó að fimmta sætið muni líklegast einnig gefa þátttökurétt í riðlakeppni Meistaradeildarinnar á næstu leiktíð. Því mun liðið sækja til sigurs á útivelli gegn nýliðum Heidenheim, sem eru um miðja deild en geta reynt að gera atlögu að ólíklegu evrópusæti.

FC Bayern heimsækir Union Berlin í lokaleik dagsins en Bæjarar eru búnir að missa af Þýskalandsmeistaratitlinum og eru núna í baráttu við Stuttgart um annað sæti deildarinnar. Union Berlin er í fallbaráttu og getur komist langleiðina með að forðast hana með sigri.

Serie A:
16:00 Empoli - Napoli
18:45 Verona - Udinese

La Liga:
12:00 Celta - Las Palmas
14:15 Vallecano - Osasuna
16:30 Valencia - Betis
19:00 Girona - Cadiz

Bundesliga:
13:30 Wolfsburg - Bochum
13:30 Köln - Darmstadt
13:30 Hoffenheim - Gladbach
13:30 Heidenheim - RB Leipzig
16:30 Union Berlin - Bayern