Leiknir fór í ferðalag til Grenivíkur í dag og heimsótti þar Magna, sem vann góðan sigur á Keflavík í síðustu umferð. Daníel Finns Matthíasson kom Leikni yfir í fyrri hálfleik og í þeim seinni bætti
Vuk Oskar Dimitrijevic við marki. Tveir ungir og efnilegir leikmenn.

MAAAARK! Magni 0-2 Leiknir! Serbneska blómið Vuk kemur Leikni tveimur mörkum yfir. Hjalti með stoðsendinguna! #StoltBreiðholts

— Leiknir Reykjavík FC (@LeiknirRvkFC) July 20, 2019

Stuttu eftir mark Vuk gerðu Leiknismenn út um leikinn þegar Sveinn Óli Birgisson, fyrirliði Magna, gerði sjálfsmark. Lokatölur 3-0 fyrir Leikni sem fer upp í fimmta sæti deildarinnar með 21 stig. Magni er á botninum með 10 stig.

Þetta er fyrsti leikurinn sem Magni tapar á Grenivíkurvelli í sumar.

Í hinum leiknum sem var að klárast í Inkasso-deildinni vann Þór dramatískan sigur á Aftureldingu sem er því áfram í fallsæti.

Bjarki Þór Viðarsson kom Þórsurum yfir stuttu fyrir leikhlé, en Andri Freyr Jónasson jafnaði þegar rúmar 20 mínútur voru til leiksloka. Andri Freyr raðaði inn mörkum í 2. deild í fyrra, en hann er að komast í gang núna í Inkasso og er kominn með fimm mörk.

Gestirnir frá Akureyri voru ekki búnir að segja sitt síðasta og skoraði varnarmaðurinn Dino Gavric sigurmark þeirra í uppbótartíma. Hann skoraði eftir aukaspyrnu frá Sveini Elíasi Jónssyni. Flautumark í Mosfellsbæ.

Þór fer upp fyrir Gróttu í annað sæti deildarinnar. Afturelding er áfram í 11. sæti með 10 stig.

Magni 0 - 3 Leiknir R.
0-1 Daníel Finns Matthíasson ('29 )
0-2 Vuk Oskar Dimitrijevic ('72 )
0-3 Sveinn Óli Birgisson ('77 , sjálfsmark)
Lestu nánar um leikinn

Afturelding 1 - 2 Þór
0-1 Bjarki Þór Viðarsson ('43 )
1-1 Andri Freyr Jónasson ('71 )
1-2 Dino Gavric ('90 )
Lestu nánar um leikinn

Sjá einnig:
Úrslit úr öðrum leikjum dagsins.