Leicester hafði betur gegn Burnley í miklum markaleik í kvöld.

Þessi sigur í kvöld vekur upp góðar minningar fyrir stuðningsmenn Leicester í ljósi þess að þetta er í fyrsta sinn síðan 2015 að liðið vinnur fyrstu tvo deildarleiki sína á tímabilinu.

Það tímabil, tímabilið 2015/16, varð Leicester eftirminnilega Englandsmeistari. Það er eitt stærsta íþróttaafrek sögunnar, en liðinu var fyrir tímabilið spáð fallbaráttu.

Þetta er líka í fyrsta sinn þar sem Leicester er á toppi ensku úrvalsdeildarinnar í lok dags síðan á lokadegi tímabilsins magnaða þegar liðið varð meistari mjög svo eftirminnilega.