Quagliarella leggur formlega skóna á hilluna

Quagliarella verður 41 árs gamall í janúar og hann segir að núna sé nóg komið af boltanum.

„Ég er neyddur til að segja þetta gott. Ég er í óásættanlegu líkamlegu ástandi," segir sóknarmaðurinn.

Quagliarella lék sinn síðasta leik með Sampdoria síðasta sumar en eftir að hann hætti þar, þá hefur hann verið að starfa aðeins í sjónvarpi. Hann veit ekki enn alveg hvað hann ætlar sér að gera núna þegar ferillinn er á enda.

Quagliarella átti farsælan feril í ítalska boltanum en hann skoraði 235 mörk í 729 leikjum með félögum á borð við Napoli, Juventus, Torino og Sampdoria.