Rooney stoltur af áhuga Everton

Rooney er einn af þeim sem hafa verið orðaðir hvað mest við stöðuna hjá Everton en hann er uppalinn hjá félaginu. Rooney segist ekki hafa farið í viðræður við félagið.

Rooney er að gera eftirtektarverða hluti með Derby, er að berjast um að halda liðinu uppi eftir að 21 stig var dregið af félaginu vegna fjárhagsörðugleika.

„Ég er eins og hver annar, ég sé menn orðaða á samfélagsmiðlum og í blöðunum. Auðvitað er Everton félag sem ég hef stutt síðan í æsku."

„Ég er stoltur af því að vera einn af þeim sem eru í samtalinu um að fá starfið, en ég veit að Everton veit að félagið þarf að ræða við stjórnarmenn Derby ef þeir vilja hafa samband," sagði Rooney.