Svekkjandi vika hjá Newcastle - Tveir mest orðaðir við félagið

Næsta spurning sem Howe fékk kom ekki á óvart. Hann var spurður út í félagaskiptagluggann og mögulega nýja leikmenn. Newcastle hefur til þessa fengið Kieran Trippier og Chris Wood til félagsins.

Jesse Lingard hjá Manchester United og Diego Carlos hjá Sevilla eru þeir sem eru orðaðir hvað mest við Newcastle þessa dagana. Howe býst ekki við því að fá nýja leikmenn á næstu klukkutímum. Möguleiki er á því að Sevilla sé tilbúið að samþykkja að Carlos fari eftir deildarleik félagsins um helgina.

„Þetta er búin að vera svekkjandi vika hjá okkur þegar kemur að félagaskiptum fyrir komandi leik. Við erum að reyna allt hvað við getum til að bæta hópinn en leitin hefur ekki borið árangur í vikunni," sagði Howe.

„Þetta er erfitt í janúar þegar þú bætir Covid við þá staðreynd að félög vilja ekki missa leikmenn í janúar. Væntingar hinna félaganna varðandi upphæðir sem Newcastle getur borgað hefur aukist og það hefur einnig áhrif," sagði Howe.