Það gekk ekki vel hjá Íslendingunum í Belgíu í þessa helgina en báðir voru í tapliðum.
Kolbeinn Þórðarson var í byrjunarliði Lommel sem tapaði fyrir U23 ára liði Club Brugge, 2-1, í gær.
Blikinn fór af velli á 69. mínútu leiksins en Lommel er í 4. sæti B-deildarinnar með 30 stig.
Jón Dagur Þorsteinsson spilaði þá allan leikinn fyrir Leuven sem tapaði fyrir Royale Union SG, 1-0, í úrvalsdeildinni. Jón Dagur nældi sér í gult spjald í leiknum, en hann er ný kominn úr banni fyrir uppsöfnuð spjöld.
Leuven er í 9. sæti með 30 stig.
Andri Fannar Baldursson kom þá inná sem varamaður í uppbótartíma er NEC Nijmegen vann 3-1 sigur á Emmen í hollensku úrvalsdeildinni. Liðið er í 9. sæti með 22 stig.
Athugasemdir