Helgi Fróði kom við sögu í 3-0 sigri
Helgi Fróði Ingason og félagar hans í hollenska B-deildarliðinu Helmond Sport unnu 3-0 sigur á Vitesse í kvöld og eru áfram í harðri baráttu um umpilssæti.
Stjörnumaðurinn byrjaði á bekknum hjá Helmond en kom við sögu mínútu eftir þriðja markið.
Helmond, sem var lengi vel í toppbaráttu, er nú í 8. sæti með 39 stig og í síðasta lausa umspilssætinu.
Sævar Atli Magnússon lék allan leikinn er Lyngby gerði markalaust jafntefli við Randers í dönsku úrvalsdeildinni. Lyngby er í næst neðsta sæti með 11 stig.
Lærisveinar Freys Alexanderssonar í Brann unnu þá 2-1 sigur á Strömsgodset í æfingaleik á Marbella.
Eggert Aron Guðmundsson byrjaði hjá Brann og þá byrjaði Logi Tómasson á bekknum hjá Strömsgodset.
Athugasemdir
