Hjörvar Hafliðason fékk fjölmiðlaverðlaunin.
Breiðablik hlaut Drago styttuna í Bestu deild karla og kvenna. Hér er Agla María Albertsdóttir, leikmaður Breiðabliks, með Eysteini Pétri Lárussyni, framkvæmdastjóri KSÍ.
KSÍ hefur nýverið afhent verðlaun fyrir starfsárið 2024. Ýmsar árlegar viðurkenningar eru jafnan afhentar í aðdraganda ársþings KSÍ og á ársþinginu sjálfu eftir atvikum.
Fótbolti.net hlaut jafnréttisviðurkenningu KSÍ fyrir umfjöllun um neðri deildir karla og kvenna.
Fótbolti.net hlaut jafnréttisviðurkenningu KSÍ fyrir umfjöllun um neðri deildir karla og kvenna.
Dómaraverðlaunum KSÍ er skipt upp í tvo flokka: Fyrirmyndarfélag í dómaramálum og Hvatningarverðlaun í dómaramálum. Fyrirmyndarfélag í dómaramálum árið 2024 er FH og hvatningarverðlaunin fékk Þróttur Reykjavík.
Grasrótarverðlaunum KSÍ er skipt upp í þrjá flokka: Grasrótarverkefni ársins, Grasrótarfélag ársins og Grasrótarpersóna ársins. Þetta er í þriðja sinn sem verðlaunum er þrískipt með þessum hætti.
Viðurkenningu fyrir Grasrótarverkefni ársins 2024 hljóta Stjarnan og Öspin fyrir fótboltaæfingar fyrir einstaklinga með fötlun. Grasrótarpersóna ársins 2024 er Sigurður Eyjólfur Sigurjónsson og hlýtur hann nafnbótina fyrir íþróttastarf á Kirkjubæjarklaustri. Grasrótarfélag ársins 2024 er Stál-úlfur fyrir fjölþjóðlegt starf í eldri flokki karla. Þess má geta að Sigurður er fyrrum starfsmaður Fótbolta.net, skrifaði á árunum 2016-22 tæplega 2000 fréttir.
Fjölmiðlaviðurkenningu KSÍ fyrir árið 2024 hlýtur Hjörvar Hafliðason fyrir Dr. Football hlaðvarpið.
Og þá fékk Breiðablik sjálfa Drago-styttuna. Stytturnar eru veittar prúðustu liðunum í efstu deildum karla og kvenna (Bestu deildum) á grundvelli gulra og rauðra spjalda en Breiðablik hlaut styttuna í bæði Bestu deild karla og kvenna.
Hægt er að lesa nánar um öll verðlaunin á vefsíðu KSÍ með því að smella hérna.
Athugasemdir
