Það voru nokkrir Íslendingar sem komu við sögu í leikjum dagsins í Evrópu.
Guðlaugur Victor Pálsson kom inn af bekknum á 49. mínútu í tapi Horsens gegn HB Köge. Þetta er annað tapið í röð hjá Horsens sem er í fjórða sæti í næstefstu deild í Danmörku.
Gulli og félagar eru með 22 stig eftir 15 umferðir.
Í þriðju efstu deild var Adam Ingi Benediktsson á milli stanga AB og byrjaði Ægir Jarl Jónasson á bekknum í tapi gegn Fremad Amager.
AB er á toppi deildarinnar þrátt fyrir tapið, með 30 stig eftir 14 umferðir. Jóhannes Karl Guðjónsson þjálfar liðið.
Í næstefstu deild í Póllandi var Oliver Stefánsson í byrjunarliðinu hjá Tychy sem tapaði gegn Ruch Chorzow. Oliver spilaði fyrstu klukkustundina í hjarta varnarinnar en var skipt af velli í stöðunni 2-0 og urðu lokatölur 2-1.
Tychy er í fallbaráttu með 12 stig eftir 15 umferðir.
Að lokum var Helgi Fróði Ingason ónotaður varamaður í flottum sigri Helmond í næstefstu deild í Hollandi.
Helmond vann með þriggja marka mun og er með 19 stig eftir 14 umferðir.
Horsens 2 - 3 HB Köge
Fremad Amager 2 - 1 AB
Ruch Chorzow 2 - 1 Tychy
Oss 0 - 3 Helmond
Athugasemdir
