Sandra María Jessen var í byrjunarliðinu er Köln tók á móti Nürnberg í mikilvægum leik í neðri hluta þýsku deildarinnar í dag.
Sandra lék fyrstu 83 mínúturnar í þægilegum 3-0 sigri þar sem öll mörkin voru skoruð í fyrri hálfleik. Hún var komin með fjögur mörk í síðustu fjórum deildarleikjum en tókst ekki að skora í dag.
Köln er með 10 stig eftir 8 umferðir, einu stigi fyrir ofan Nürnberg eftir sigurinn.
Í Svíþjóð var Eyrún Embla Hjartardóttir í byrjunarliðinu hjá B-liði Häcken sem tók á móti Elfsborg í næstefstu deild.
Elfsborg hafði betur þar sem lokatölur urðu 0-2, en Häcken er með 24 stig eftir 24 umferðir. Elfsborg er sex stigum fyrir ofan.
Köln 3 - 0 Nurnberg
Hacken B 0 - 2 Elfsborg
Athugasemdir
