Sigurður Nói Jóhannsson hefur skrifað undir þriggja ára samning við KA.
Hann er 15 ára sóknarmaður en hann hefur spilað sex landsleiki fyrir U15 og U16 ára landslið Íslands og skorað eitt mark.
Hann er 15 ára sóknarmaður en hann hefur spilað sex landsleiki fyrir U15 og U16 ára landslið Íslands og skorað eitt mark.
Hann var tvívegis í hópnum hjá meistaraflokksliði KA í sumar. Þá er hann hluti af U19 liði KA sem hefur verið í miklu Evrópuævintýri.Liðið heimsækir PAOK til Grikklands í næstu viku en liðið tapaði fyrri leiknum 2-0 hér heima.
Hann fór ásamt Snorra Kristinssyni, Bríet Fjólu Bjarnadóttur og Hafdísi Nínu Elmarsdóttur á reynslu til Malmö fyrr á árinu.
„Við óskum bæði Sigurði og knattspyrnudeild til hamingju með samninginn og hlökkum til að fylgjast áfram með framgöngu þessa öfluga kappa í gula og bláa búningnum," segir í tilkynningu frá KA.
Athugasemdir
